"Milli Məclisin yaz sessiyasının növbəti iclası mayın 23-də keçiriləcək”.
Sabahinfo.az xəbər verir ki, bunu Modern.azsaytına Milli Məclisin mətbuat katibi Akif Təvəkküloğlu deyib.
A.Təvəkküloğlu əlavə edib ki, parlamentin növbəti iclasının gündəliyinə 26 məsələ daxil edilib.
Yaz sessiyasının növbəti iclasında "Cinayət fəaliyyətindən əldə edilən gəlirlərin leqallaşdırılmasına, axtarışına, həbsinə, müsadirə edilməsinə və terrorçuluğun maliyyələşdirilməsinə dair Avropa şuası Konvensiyasının təsdiq edilməsi haqqında” qanun layihəsi, "Azərbaycan hökuməti ilə Danimkarka Krallığı hökuməti arasınada gəlirlərə görə vergilərə münasibətdə iki qat vergitutmanın aradan qaldılıması və vergidən yayınmanın haqqında” konvensiyanın təsdiq edilməsi ilə bağlı və s məsələ də müzakirə ediləcək.
Gündəlikdə bir sıra qanunlara da dəyişiklər də nəzərdə tutulur. Bunlar aşağıdakılardır:
1. "Dövlət qulluqçularının etik davranış qaydaları haqqında” qanuna dəyişiklik;
2. "Ölçmələrin vəhdətinin təmin edilməsi haqqında” qanuna dəyişiklik;
3. "Dövlət qulluğu haqqında” qanuna dəyişiklik;
4. "Haqsız rəqabət haqqında” qanuna dəyişiklik;
5. "Ədliyyə oqanlarında qulluqkeçmə haqqında” qanuna dəyişiklik;
6. Əmək Məcəlləsinə dəyişiklik;
7. "Müəllif hüququ və əlaqəli hüquqlar haqqında "qanuna dəyişiklik;
8. "Uşaq hüquqları haqqında” qanuna dəyişiklik;
9. "Əhalinin sağlamlığının qorunması haqqında” qanuna dəyişiklik;
10. "Telekommunikasiya haqqında” qanuna dəyişiklik;
11. "İşsizlikdən sığorta haqqında” yeni qanun layihəsi.
