Fevralın 7-də keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası davam edir.

2024-cü il fevralın 7-də keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində Masallı şəhər Mədəniyyət evində rayonun mədəniyyət işçiləri ilə görüş keçirilib.

Görüşlərdə YAP Masallı rayon təşkilatının sədri Seyfəddin Əliyev, YAP İdarə Heyətinin üzvü, deputat Anar İsgəndərov, rayon təşkilatının sədr müavini İlkin Əzizov, təşviqat qrupunun üzvləri şəhid anaları Mehriban Sultanova və Elmira Nağıyeva çıxış ediblər.

Natiqlər Prezident İlham Əliyevin rəhbərliyi altında ölkəmizin tarixi günlər yaşadığını qeyd etdilər.

Seçicilər də öz növbəsində yeni dövrə qədəm qoyan Azərbaycanda prezident seçkilərinin dövlətimiz, xalqımız üçün uğur gətirəcəyindən əminliklərini ifadə edib, yekdilliklə cənab İlham Əliyevi dəstəkləyəcəklərini diqqətə çatdırdılar.

İştirakçılar bir daha vurğuladılar ki, Masallı seçicilərinin yeganə seçimi cənab İlham Əliyevdir