İtaliyanın hakimiyyət orqanları ən çox axtarılan mafiya üzvlərinin siyahısında ikinci sırada yer alan Ernesto Fatstsaralini həbs ediblər.

sabahinfo.az AZƏRTAC-a istinadən bildirir ki, ölkənin ən böyük mafiya qruplaşması "Ndrangeta"nın üzvü olan Ernesto 20 ildən çox axtarışda idi. Hüquq mühafizə orqanlarının məlumatına görə, o, ölkənin cənubunda yerləşən Kalabriyadakı evində aşkarlanıb və saxlanılarkən polisə müqavimət göstərməyib.

Ernestonu ömürlük həbs cəzası gözləyir. Bir qədər əvvəl məhkəmə onu qətldə, mafiya fəaliyyətində, narkotik vasitə ticarətində, qarətdə, qanunsuz silah saxlamaqda təqsirli bilmişdi.