Döyüş! Müharibə və dünyanın ən gözəl neməti olan QƏLƏBƏ! Cənab Ali Baş Komandan İlham Əliyevin rəhbərliyi altında Müzəffər Azərbaycan Ordusu bizə bu gözəl və dünyada bənzəri olmayan sevinci yaşatdı. Bugün artıq biz əzilmiş, məğlub bir xalqın deyil, düşmənə göz dağı verən, düşməni yerində oturdan bir xalqın vətəndaşıyıq. Biz AZƏRBAYCANLIYIQ!

44 günlük şanlı müharibə bir çox məqamlarla yadda qaldı. Xalq-iqtidar birliyi, Ön və arxa cəbhənin vəhdədi, informasiya siyasəti və digər məsələlər.. Ancaq ən diqqət çəkən məqam igid və mərd oğullarımızın müharibədə iştiraka könüllü getməsi, düşmənə qan uddurmasıdır. Haqqında söz açacağımız igidimiz Sarıvəliyev Pərviz Mirzə oğludur. Pərviz əslən Qazax rayonundandır. Müharibənin ilk günlərindən könüllü olaraq cəbhənin qaynar nöqtələrində mübarizə aparıb. Düşmənə sözün əsl mənasında göz verib işıq verməyən Pərviz döyüş meydanında bir dəfə yaralanmağına baxmayaraq dostlarım cəbhədədir mən getməliyəm deyib yenidən  ön cəbhədə fəaliyyətini davam etdirib. Ona verilən döyüş tapşırığını ləyaqət və şərəflə yerinə yetirən Pərviz bugün hər birimizin qürurudur. Biz fəxr edirik ki. Pərviz kimi igid oğullarımız var.

Elnarə Həziyeva