Rusiya sülhməramlı qüvvələrinin mühəndis-istehkam bölmələri Xankəndinin şimal ətrafının minalardan təmizlənməsi prosesini başa çatdırır.

Azvision.azxəbər verir ki, Rusiya Müdafiə Nazirliyinin mətbuat xidmətindən verilən məlumata görə, əməliyyatlar zamanı 260 hektar ərazi, 100 kilometrə yaxın yol, 434 yaşayış binası minadan təmizlənib.

Bundan əlavə, 8.6 mindən çox partlayıcı maddə tapılaraq zərərsizləşdirilib.

Sülhməramlılar dağlıq ərazilərdə və hava şəraitinin pisləşməsi şəraitində minalardan təmizlənmənin yüksək sürətini təmin edən müasir robot texniki sistemlərdən istifadə edirlər.