Avropa Liqasının 3-cü təsnif mərhələsinin fransızların "Lillem” və "Qəbələ” arasında keçiriləcək bugünkü matçında 50 azərbaycanlı azarkeşin iştirakı gözlənilir. 

sabahinfo.az Haqqin.az-a istinadən xəbər verir ki, "Qəbələ” futbol klubu "Milli dəstə” azarkeş birliyinə məhz bu qədər bilet ayıracaq.

Birlik artıq ilk dəfə deyil ki, Avropada yaşayan azərbaycanlıların kənarda keçirilən oyunlarda futbolçularımızı dəstəkləməyə sövq edir.  

Ümumilikdə matçda 10 mindən çox azarkeşin olacağı gözlənilir. 

Xatırladaq ki, oyun "Metropol” stadionunda keçiriləcək və Bakı vaxtı ilə saat 21:00-da başlayacaq.