Yay Olimpiya Oyunlarının açılış mərasimi avqustun 5-də baş tutacaq.
Həkimlər məşhur braziliyalı futbolçu Peleyə Olimpiya Oyunlarının məşəlinin alovlandırılması mərasimində iştirak etməyə icazə verdilər.
Sabahinfo.az bu barədə "Reuters”ə istinadən xəbər verir.
Daha öncə əfsanəvi idmançının avqustin 5-də Rio-de-Janeyroda keçiriləcək "Olimpiya-2016”-nın açılış mərasimində Olimpiya məşəlini alovlandırmağa dəvət aldığına dair məlumat yayılmışdı.
2012-ci ildə "futbol kralı” çanaq-bud sümüyünün əməliyyatı və implantasiyasını keçirib. Amma 75 yaşlı Pelenin ağrıları keçməyib. 2015-ci ilin dekabrında amerikalı mütəxəssislər endoprotezin bərpası üzrə daha bir əməliyyat keçiriblər. Hazırda futbolçu əsa ilə gəzir.
"Hər şey əzələ ağrılarından asılıdır, bu ağrılar hərəkətə mane olur”, - Pelenin nümayəndəsi deyib.
Yay Olimpiya Oyunlarının açılış mərasimi avqustun 5-də "Marakana” stadionunda baş tutacaq. Pele bu stadionda 1969-cu ildə öz mininci qolunu vurub. Olimpiya məşəlinin alovlandırılması mərasimi üçsaatlıq tədbirlə sona çatacaq.
