Bugün Milli Məclisin Səhiyyə Komitəsinin sədr müavini, millət vəkili Rəşad Mahmudov Astarada Yeni Azərbaycan Partiyasının qərargahında növbəti dəfə seçicilərlə görüş və vətəndaş qəbulu keçirib.
Görüş zamanı iyirmidən çox vətəndaşın müraciəti dinlənilib, onların qaldırdıqları sağlamlıq, sosial təminat, məişət və hüquqi xarakterli məsələlər ətrafında geniş müzakirələr aparılıb.
Müraciətlərin bir qismi yerindəcə həll olunub, digər məsələlər isə araşdırılması və zəruri tədbirlərin görülməsi üçün aidiyyəti dövlət qurumlarına yönləndirilib.
Görüş çərçivəsində, Avropanın tanınmış dərman istehsalçısı Gedeon Richter şirkətinin dəstəyi ilə ehtiyacı olan vətəndaşlara yüksək təzyiq və xolesterinlə bağlı müalicə prosesində istifadə olunan dərman preparatları təqdim edilib. Bu sosial dəstək addımı ürək-damar xəstəliklərindən əziyyət çəkən sakinlərin müalicəsinə yardım məqsədi daşıyır.
