Salam, xoş gördük Firəngiz xanım!

-Xoş gördük

-Bir qədər özünüz və klinikanız haqqında oxucularımıza bilgi verin mümkünsə.

-Özüm haqqında qısaca olaraq deyim ki, həm mən, həm də həyat yoldaşım hər ikimiz həkimik. Bir yerdə çalışırıq. Ən böyük arzumuz bizə üz tutan xəstələri məmnun və sağlam görməkdi. Mənə elə gəlir ki bizə üz tutan insanlarımızın etimadını qazana bilmişik. Bu da həkim olaraq bizim ən böyük sevincimiz və qürur yerimizdir. Klinikamız "Ailə həkimi” adı ilə fəaliyyət göstərir. Artıq, 12 ildən artıqdır ki, vətəndaşlarımıza xidmət göstəririk. Klinikanı açmaqda məqsədimiz ən müasir və ən dəqiq diaqnoz qabiliyyəti olan tibbi avadanlıqlardan istifadə etməklə cəmiyyətimizdə artmaqda olan bəzi xəstəliklərin qarşısını almaq, xəstələrimizin sayını minimuma endirmək və əlbəttə ki, az da olsa tibbi personalın aylıq maaşla təmin olunmasına çalışmaqdır.

-Bir qədər də son illər klinikada görülən işlər və klinikanın özəllikləri barədə bilgi verməyinizi istərdik.

- "Ailə həkimi” klinikasında ambulator şəraitdə diaqnostik müayinələr aparmaq məqsədilə "VOLUSON E 8” USM cihazı quraşdırılmışdır. Bu USM aparatı vasitəsilə bir çox klinikalardakı aparatlardan fərqli olaraq orqanların görüntüsü daha aydın, diaqnozu daha dəqiq olur. Çünki bu aparatın imkanları daha genişdir. Beləki, bu cihazla bütün daxili orqanların dopler müayinəsi, qan dövranını yoxlamaq, hamiləliyin doppleri 4 D müayinələr etmək mümkündür.

USM cihazında qadın və kişi cinsiyyət üzvlərinin, aşağı və yuxarı ətraf damarlarının, daxili üzvlərin, qalxanvarı vəzin müayinəsi, beyin damarlarının, yuxu arteriyalarının dopler müayinəsi yoxlanılır. Rəngli exokardioqrafiya olunur, bizdə ürəyin əzələləri, qapaqları, ürəkdaxili qan hərəkətini, ürək qüsurlarının olub olmamasını dəqiq yoxlamaq mümkündür.

3D USM-i zamanı ana bətnində inkişaf edən dölün hərəkətlərini, mimikalarını, görkəmini real zamanda izləmək mümkündür.

Dölün bir neçə dəqiqəlik 3D müayinəsi CD diskinə yazılıb pasiyentə verilir. Yoxlamadan sonra verilən şəkillər hardasa fotoqrafiyaya yaxın bir şəkil olur. Həm də 3D müayinə zamanı döldə olan qüsurlar da cox aydın görünür və döldəki qüsurlar vaxtında aşkar olunur.

Bir də sizə SonoElastoqrafiya ilə bağlı məlumat vermək istərdim.

Bu söz diaqnostika sahəsində yalnız yeni söz deyil, həm də yeni və müasir diaqnostika metodudur. SonoElastoqrafiya vasitəsilə 95% halda şişin bəd xassəli olub olmamasını təyin etmək mümkündür. Həm də prosesin ən kiçik ölçülərdə olduğu zaman aşkarlamaq olur.SonoElastoqrafiya orqanizmə ziyan vermədiyi üçün profilaktik məqsədlə də yoxlamaq olar. Şişin vaxtında bəd və ya xoş xassəli olmasını təyin etmək isə xəstələrin ömrünün uzanmasına kömək edir. Xərçəngin gecikmiş formalarının qarşısı alınmış olur. Bu müayinə Kanada istehsalı olan Sonix SP cihazında aparılır.

-Oxucular üçün daha aydın olsun deyə bir qədər də bu klinikada göstərilən xidmətlər haqqında danışmanızı istərdik. Sizdə vətəndaşlara hansı xidmətlər göstərilir?

-Tibbin bir çox sahələrində vətəndaşlarımıza xidmət göstəririk.


Elektrokardioqrafiya, EXO kardioqrafiya, Stomatoloji xidməti misal göstərə bilərəm. Bundan başqa bizdə nümunəvi Laboratoriya fəaliyyət göstərir.

Ümumi Kliniki Laboratoriyamızda

-Biokimyəvi analizlər

-Hormonların müayinəsi

-İnfeksiyaların və virusların müayinəsi İFA və PSR üsulu ilə

-Hematoloji müayinələr

-Bakterioloji analizlər və s. aparılır.

Ümumilikdə "Ailə həkimi” klinikasının laboratoriyasında yüzlərlə müxtəlif analizlər aparılır.

Qanın ümumi müayinəsi

- qan qrupu, rezusfaktor və s.

Qanın biokimyəvi müayinəsində aşağıdakı analizlər olunur;

- zülal mübadiləsi (ümumi zülal, albumin)

- qaraciyərin biokimyəvi analizləri (bilirubinlər ALT, AST, QFT, QQT)

- Böyrəklər (kreatinin, qalıq azot, sidik turşusu, sidik cövhəsi)

- Mədəaltı vəzi (amilaza)

- Lipid mübadiləsi (xolesterin, triqliserit, HDL. LDL,

- Karbohidrat mübadiləsi ( qlükoza, qlikohemoqlobin)

Spesifik zülallar – iltihab markerləri (S-Reaktiv zülal, ASO, revmatoid faktor)

Mədə xorasının törədicisi – helikobakter, pilori.

PSA ( testi və titri) yoxlanılır-Prostat vəzi xəstəliklərində onkomarker

Sidikdə diastaza

Sidiyin ümumi analizi

Koproloji müayinədə həzm pozğunluğu, qurd xəstəliyi, protozoylar, nəcisdə gizli qan itkisi və s. yoxlanılır.

Qadınlarda Cervix və uretradan götürülmüş yaxmanın mikroskopik və PSR müayinəsi

Kişilərdə uro-genital xəstəliklərin mikroskopik və PSR müayinəsi

Mikrobioloji müayinələr – antibiotiklərə həssaslığın yoxlanılması ilə

Ginekoloji xidmət Hamiləliyin USM –si doppler və 4D

Transabdominal USM (doppler ilə)

Transvaginal USM(doppler ilə)

SonoElastoQrafiya

Mikroskopik və PSR analizləri

Qadın cinsiyyət üzvləri sferasında iltihabı və virus xəstəliklərin müayinə və müalicəsi

Uşaqlıq boynu eroziyasının diaqnostika və müalicəsi

Uşaqdaxili vasitələrin (Spiral) qoyulması və çıxarılması

Sonsuzluğun müalicəsi

Süd vəzilərinin müayinəsi ( USM lə və SonoElastoQrafiya ilə) və sair bu kimi xidmətlərlə vətəndaşlarımızın qulluğundayıq.

-Klinikanın fəaliyyəti və göstərilən xidmətlər barədə kifayət qədər əhatəli bilgi verdiniz. Oxucularımızı maraqlandıran bir sualı sizə ünvanlamaq və bir təcrübəli həkim kimi bu məsələyə münasibətinizi bilmək istərdim. Bizdə bu kimi yüksək xidmətlər varkən, nədən insanlarımız müalicə üçün daha çox digər ölkələri seçir?

-Bu gün vətəndaşlarımızın İrana və Türkiyəyə üz tutması, imkanlıların Avropada müalicə olunmağa maraqlı olması danılmaz faktdır. Lakin zənninmcə, bu heç də bizdə həkimlərin savadsız olmasından və ya tibbi xidmətlərin aşağı səviyyədə olmasından irəli gəlmir. Fikir verirsizsə, maddi təminatı az olanlar İrana, bir az imkanlılar Türkiyəyə, daha imkanlılar isə Avropa ölkələrinə üz tutur. Bu, daha çox düşüncəylə bağlı olan məsələdir: Bəzilərinin "Mən getdim Türkiyədə müalicə olundum” və ya "Mən xəstəmi aparıb Avropada müalicə etdirdim” kimi düşünməsindən yaranır. Dəfələrlə şahid olmuşam ki, İranda müalicəsi uğursuz nəticələnən xəstələr bizdə uğula müalicə olunub. Yaxud internetdən Avropa səhiyyəsindəki bəzi qüsurlara aid oxuduğumuz onlarla fakt var. Amma onlar qabardılmır. Demək istədiyim odur ki, bizim həkimlərimiz heç də insanlarımızın üz tutduğu İran və Türkiyə həkimlərindən savadsız və təcrübəsiz deyil. Bizdə kifayət qədər təcrübəli və vicdanlı həkimlər var. Ümumiyyətlə həkimlik çox çətin və şərəfli peşədir. Sevindirici haldır ki, fəaliyyətimiz dəfələrlə ayrı-ayrı qurumlar tərəfindən yüksək qiymətləndirilib.Firəngiz Rüstəmova: Bizdə kifayət qədər təcrübəli və vicdanlı həkimlər var

-Bir sual da özəl mövzuda vermək istərdik. Yoldaşınız da həkimdir. Ailədə hər ikinizin həkim olması problem yaratmır ki?


-Qarşılıqlı anlaşma olan yerdə heç bir problem ola bilməz. Üstəlik, həkim olduğum üçün yoldaşımı daha yaxşı anlayıram. Yoldaşım ali təhsilli kardioloqdur. Bəzən elə olur ki, şəxsi mövzuda hansısa sözü soruşmaq üçün yoldaşımın iş otağının qapısını döyürəm. Onun yanında xəstə olduğunu, kiminsə ürəyini yoxladığını görüb: "Üzr istəyirəm həkim, xəstəniz varmış” - deyib qapıdan geri qayıdıram. Eyni qaydada o da məni tam şəkildə anlayır. Qarşılıqlı anlayış olduğu üçün heç bir problem meydana çıxmır. Əlbəttə, hər bir ailədə olduğu kimi bizdə də ailə-məişət mövzusunda narahatlıqlar meydana çıxa bilər. Lakin bunu ailə daxilində yola qoyuruq. Narahatlığı iş yerinə daşımırıq.


-Maraqlı müsahibə üçün sizə Doqquz.az saytı adından təşəkkürümüzü bildirirk. Ümid edirik ki, müsahibəniz oxucularımız üçün xeyli dərəcədə maraqlı olacaq.


-Mən də öz növbəmdə bu diqqətə görə Doqquz.az saytına təşəkkür edirəm və saytınızın oxucularına sağlamlıq arzulayıram.