Azərbaycanda 9 may - Qələbə Günü qeyd olunur. Adalet.az-ın məlumatına görə, bu münasibətlə Müdafiə Nazirliyinin şəxsi heyəti Azərbaycan Respublikası Silahlı Qüvvələrinin Baş Qərargah rəisi, müdafiə nazirinin birinci müavini, general-polkovnik Nəcməddin Sadıkovun rəhbərliyi altında 2 dəfə Sovet İttifaqı Qəhrəmanı, general-mayor Həzi Aslanovun abidəsini ziyarət edib.

Abidə önündə N. Sadıkovla müharibə veteranları arasında qısa görüş olub. Azərbaycan Respublikası Veteranlar Şurasının adından N. Sadıkova "Veteranlara qayğı” diplomu təqdim edilib. Diplom N. Sadıkova Azərbaycanda veteranlar hərəkatının gücləndirilməsi və veteranlara göstərdiyi müstəsna qayğıya görə verilib.