Bu gün İstanbulda baş vermiş partlayış nəticəsində 1 nəfərin öldüyü məlum olub. Sabahinfo.az Türkiyə mediasına istinadən xəbər verir ki, səhər saatlarında Bəyoğlu adlanan ərazidəki beşmərtəbəli binada baş verən partlayışın dağıntıları altından cəsəd tapılıb. İlkin araşdırma zamanı məlum olub ki, ölən şəxsin binanın 1-ci mərtəbəsində işləyən smitçidir. Onun adı hələlik açıqlanmayıb.

Partlayış nəticəsində xəsarət alan taksi sürücüsünün vəziyyətinin ağır olduğu bildirilir.

Hüquq-mühafizə orqanları olay yerində araşdırma aparır.

*****

10:25

Bu güm Türkiyənin İstanbul şəhərindən partlayış baş verib. Sabahinfo.az Türkiyə mediasına istinadən xəbər verir ki, şəhərin Bəyoğlu adlanan hissəsində beşmərtəbəli binada baş verən partlayış nəticəsində 1 nəfər xəsarət alıb. Yaralanan şəxs yaxınlıqda dayanan taksi şoferidir.

Hadisə yerinə xeyli sayda təcili tibbi yardım və yanğınsöndürən briqadaları gəlib. Binanın sakinləri təxliyə edilib.

Partlayışın hansı səbəbdən baş verdiyi hələlik məlum deyil, araşdırma aparılır.