Bu həftədən etibarən Bakıda yol polisinin gizli xidməti işə başlayıb. İlkin olaraq gizli yol polisləri paytaxt küçələrində qaydaları pozan sürücüləri aşkar edərək onlar barəsində elektron protokol tərtib edəcək. Bundan başqa həmin xidmət magistral yollarda da olacaq.Bəs həmin yol polislərinin avtomobilləri hansı rəngdə və necə olacaq?Artıq radar və kamera olmayan ərazilərdə qayda pozan sürücülərin də ünvanına cərimə protokolları göndəriləcək.Yol polisinin gizli xidmətini işə salmaqda məqsəd sürücülərin bütün yollarda yol hərəkəti qaydalarına riayət etməsini təmin etməkdir. Sözügedən gizli patrul avtomobillərinin üzərində yol polisinə aid heç bir yazı və sayrışan işıq olmayacaq. Xidmətdə olan polislər isə mülki geyimdə olacaq."Yol-Patrul Xidməti haqqında Təlimat"ın 3-cü maddəsinə əsasən, yol-patrul xidməti gizli formada da aparıla bilər. Əgər sürücü qaydanı pozarsa, onun avtomobilinin dövlət nömrə nişanı ''bort-kompüter''ə vurularaq elektron protokol yazılacaq. Protokol isə sürücünün ünvanına göndəriləcək.Bəs gizli xidməti aparan yol polisləri qayda pozan sürücünü saxlayıb ona yerində cərimə yaza bilərmi?Xüsusilə də magistral yollarda qarşıdan gələn avtomobilin sürücüsü uzaqvuran işıqlarını bir neçə dəfə yandırıb-söndürməklə əks istiqamətdə hərəkətdə olan sürücülərə ərazidə yol polisinin olması ilə bağlı xəbər verirdi. Artıq bu da olmayacaq. Çünki yol polisinin gizli xidməti paytaxt küçələri ilə yanaşı magistral yollarda da olacaq.Qeyd edək ki, gizli yol polis xidməti dünya təcrübəsində də var. Hətta bir neçə gün əvvəl Rusiyada da bu xidmət fəaliyyətə başlayıb.