Ötən ay  iş adamı və xeyriyyəçi,  Tovuz Xeyriyyə Cəmiyyətinin sədri Musa Səməd oğlu Süleymanovun 60 yaşı tamam oldu. O, bacarıqlı və yüksək səviyyəli bir iş adamı olaraq bütün ölkədə yaxşı tanınır.

Öz soykökü və nəsil şəcərəsi ilə Azərbaycan tarixinin özünəməxsus, şərəfli səhifələrindən hesab olunan  Şəmşəddin sultanlığının hakimi Nəsib Sultan nəslinin davamçısı olan Musa Süleymanov 14 sentyabr 1956-cı ildə Tovuz rayonunda anadan olub. Gənc yaşlarından zəhmətə alışaraq gecə-gündüz tər tökərək yorulmadan çalışıb. Həyatın hər üzünü görüb. Heç bir çətinlikdən qorxmayıb. Risk etməkdən çəkinməyib. Orta məktəbi bitirəndən sonra Ukraynada hərbi xidmət keçib. Ordudan qayıtdıqdan sonra isə  bir müddət Tovuzda və Bakıda sürücü işləyib. Eyni zamanda ali təhsil alıb. 1990-çı ildən isə sahibkarlıq fəaliyyətinə başlayıb və bizmesmen kimi ilk uğurlara imza atıb. Elə həmin ildən təsisçisi olduğu müəssisələri özündə birləşdirən "ADO-G” Şirkətlər qrupunun rəhbəri seçilib. Artıq 26 ildir ki, "ADO-G” şirkətlər qrupu öz uğurlu fəaliyyətini davam  etdirir.

Musa Süleymanov 2004-cü ildən həm də "B.Sərdarov adına maşınqayırma zavodu” TASC-nin İdarə heyətinin sədri vəzifəsini daşıyır. Müstəqilliyin ilk illərində tamamilə dağılmaqda olan sovet dönəminin bu məşhur zavodU, məhz onun rəhbərliyi altında dinamik fəaliyyət göstərən istehsalat müəssisəsinə çevrilib.

Torpaqlarımızın erməni işğalı ilə üzləşdiyi ağır illərdə Musa Süleymanov bütün gücünü və imkanlarını səfərbər edərək, daim vətəni qoruyan əsgər və hərbiçilərin yanından əl çəkməyib. Maddi və mənəvi köməyilə həmişə onlara dayaq durub. Onun həmin illərdə göstərdiyi xidmət indi də yaddaşlardan silinməyib. Tovuzun müdafiəsi dövründə ən çox fəallıq göstərən insanlardan, tanınmış simalardan biri də o olub.

Musa Süleymanov hardaolmasından asılı olmayaraq hər yerdə mənsub olduğu el-obanın problemləri ilə maraqlanaraq, onların həll olunmasına yardım  göstərib. 2006-cı ildə Tovuz Xeyriyyə Cəmiyyətinə sədr seçilməsi də bu baxımdan təsadüfi deyil. O, həm də Azərbaycan mədəniyyətinin təbliğ olunması yönündə çox ciddi addımlar atıb. Əsl messenant və xeyriyyəçi kimi neçə-neçə yaradıcı insana diqqət və qayğıyla yanaşaraq, onların sənətdə, yaradıcılıqda uğurlar qazanmalarına vasitəçilik edib.

Musa Süleymanov Azərbaycan Respublikası Prezidentinin sərəncamı ilə Azərbaycanda maşınqayırma sənayesinin inkişafında xidmətlərinə görə "Tərəqqi” medalı ilə təltif olunub.

Dəyərli eloğlumuzun, tanınmış iş adamı və xeyriyyəçi Musa Səməd Oğlu Süleymanovu şanlı yubileyi – 60 yaşının tamam olması münasibətilə ürəkdən təbrik edir, ən xoş arzularımızıünvanlayırıq.

Ömrünüz uzun, işləriniz avand, canınız sağlam olsun, əziz Musa müəllim!