Putin Ərdoğanla İrəvana planlaşdırılan səfərini müzakirə edib

Rusiya prezidenti Vladimir Putin türkiyəli həmkarı Rəcəb Tayyib Ərdoğanla "erməni soyqırımı”nın 100 illiyi ilə əlaqədar İrəvana planlaşdırılan səfərini müzakirə edib.


APA-nın "İnterfaks”a istinadən verdiyi məlumata görə, bunu Rusiya prezidentinin köməkçisi Yuri Uşakov deyib. 


"Məsələ ilə bağlı iki ölkə liderləri arasında söhbət olub. Ərdoğan Putinin Ermənistana səfər planlarından xəbərdardır”, - deyə o vurğulayıb. 

 

Uşakov onu da əlavə edib ki, Türkiyə prezidenti Rusiyanın Çanaqqala tədbirlərində kifayət qədər yüksək səviyyədə təmsil olunacağından məlumatlıdır. Onun sözlərinə görə, Rusiya nümayəndə heyətinə Dövlət Dumasının sədri Sergey Narışkin rəhbərlik edəcək.