"Sarkisyana dedim ki, Azərbaycanın işğal olunan rayonlarından əl çəkin, xoş niyyət göstərin. Əgər onlar torpaqlardan çəkilərlərsə, biz də sərhədi açarıq”.

Bu fikirləri Türkiyənin baş naziri Əhməd Davudoğlu deyib.

Baş nazir qeyd edib ki, nifrətlə yaşamaqdansa barış, sülh üzərində yeni bir həyat inşa etmək lazımdır. 

"Bunu mən bir dəfə Sarkisyana da dedim. Gəlin, bu rayonların birindən çəkilin, xoş niyyət göstərin. Azərbaycan Allah xatirinə deyək, radikal mövqedə deyil. Əgər onlar torpaqlardan çəkilərlərsə, biz də sərhədi açarıq, siz də açarsınız. Sərhədlər açılmış olsaydı, indi bütün yollarda sülh olacaqdı. Dolayısı ilə kimlərsə bu yaranın qapanmasını istəmir. Eləcə bu yaranın deşilməsini istəyir. Biz həmin üçüncü tərəflərə müraciət edirik ki, kölgə etməyin. Bizi buraxın, biz türklər, ermənilər dərdləşərik, hədiyyə alıb, verərik. Erməni bəstəkarlarla birlikdə öz dünyamızı kəşf edərik. Bu səbəblə yenə bu il bir addım atıldı. İstanbulda Erməni Patriarxının təşkilatçılığı ilə anım mərasimi keçiriləcək”,-deyə Davudoğlu qeyd edib.