İstanbuldakı Birgə Koordinasiya Mərkəzi Ukrayna limanlarından daha 3 gəminin çıxışına icazə verib.

Sabahinfo.az xəbər verir ki, bu barədə Birgə Koordinasiya Mərkəzi məlumat yayıb.

Gəmilərin ümumi yükü təxminən 73 min tondur. Onlar Türkiyə, Rumıniya və Misirə taxıl və qarğıdalı daşıyır. 

İstanbuldakı Birgə Koordinasiya Mərkəzi (JCC) üç gəminin Ukrayna limanlarından çıxmasına icazə verib. 

Üç tanker Ukrayna ərazisindən ümumilikdə 72,98 min ton ərzaq daşıyacaq. "Karteria" quru yük gəmisi 37,5 min ton buğdanı Türkiyəyə tədarük edəcək və orada un emal olunacaq. Bu partiya Yəmənə çatdırılmaq üçün Dünya Ərzaq Proqramı tərəfindən alınıb.

Daha iki gəmi - Peace M və Ash Baltic müvafiq olaraq 24,48 min və 11 min ton qarğıdalı çıxararaq Rumıniya və Misirə göndərəcək.

Tankerlər avqustun 29-da dənizə çıxmalıdır. Həmçinin bu gün daha əvvəl yola düşmək üçün icazə alan quru yük gəmisi Anastasia 3,8 min ton buğda ilə Türkiyəyə yola düşəcək.

Bu həftə Rusiya Milli Müdafiəyə Nəzarət Mərkəzinin rəhbəri, general-polkovnik Mixail Mizintsev avqustun 1-dən Ukrayna limanlarını 800 min tondan çox ərzaq daşıyan 40-a yaxın quru yük gəmisinin tərk etdiyini bildirib.

İyulun sonunda Rusiya , Türkiyə, Ukrayna və BMT arasında Qara dəniz vasitəsilə Ukraynadan kənd təsərrüfatı məhsullarının ixracı üçün dəhlizin yaradılması haqqında saziş imzalandığı bildirilib.