Milli Hərəkatçılar Birliyinin AXC-nin qurucu lideri M.Ə. Rəsulzadənin 140 illik yubileyinin dövlət səviyyəsində keçirilməsindən narahat olan Rusiya rəsmilərinə etiraz bildirisi
Rusiyanın bəzi siyasi dairələrinin Azərbaycana imperialist, şovinist mūnasibəti hələ də davam etməkdədir. Bu münasibət Lavrov, Zatulin, Zaxarova kimi dövlət rəsmilərinin çıxış və bəyanatlarında tez-tez özünü göstərir. Bu yaxınlarda sonuncunun M.Ə.Rəsulzadənin 140 illik yubileyinin Azərbaycanda dövlət səviyyəsində keçirilməsi haqqinda danişarkən, yenə də həddini aşdığının, Azərbaycan dövlətinə tövsiyələr verdiyinin şahidi olduq.
Biz, Milli Hərakatçılar Birliyi (MHB) olaraq bu yanaşmanı qətiyyətlə rədd edir, qınayır, suverenliyimizə hörmətsizlik olaraq qəbul edirik. Xatırlatmaq istərdik ki, son iki yūz ildə Azərbaycan xalqı 1918 - 1920-ci illərdə olduğu kimi heç vax Rusiyanın işğalçı siyasəti ilə barışmamiş, Cavad Xan, Rəsulzadə, Elçibəy və neçə-neçə liderlərimizin timsalında bir an olsun istiqlal mübarizəsinə ara verməmişdir. Bu mübarizənin son örnəkləri hamımızın yaxşı xatirindədir. Sizin daim hədəf aldiginiz Azərbaycan-Tūrk milliyətçiləri, azadlıqsevərlər “toxunulmaz” dediyiniz Sovet sərhədlərini darmadağın etmiş, 20 Yanvarda "məğlubedilməz" ordunuza yalın əllə qalib gələrək sonradan ölkəmizdən qovmuş, rublunuzu dövriyyədən çıxarmış və bənzəri addimlarla əsarətdə saxlamağa çalişdiginiz bùtūn xalqlara örnək olmuşdur. Torpaqlarımızın işğal altında olduğu bütün dövr ərzində rus şovinizmi 5+2 formulu ilə “məsləhətlərindən” vaz keçməmişdir. Xalqımız və dövlətimiz bu “tövsiyələrə” işğal altındakı bütün torpaqlarımızı azad edərək layiqli cavab vermişdir.
Bütün bunlardan dərs çıxarmayan, Ukraynada bataqlığa saplanan, mővqe döyüşlərindəki kiçik “zəfər”lərə möhtac olan rus şovinizminə məsləhət görərdik ki, başqa dövlətlərin daxili işlərinə qarışmaqdansa, Rusiya üçün bir nömrəli prioritet olan "yumurta problemi"nin həllinə köklənsələr həm qonşu rus xalqına, həm də bəşəriyyətə daha faydalı olarlar.
MHB hesab edir ki, bu yanaşma yalnız Rəsulzadənin şəxsi ilə baglı olmayıb, dövlətimizin milli yöndə ata biləcəyi addımların qarşısını almağa hesablanıb. Amma bu hədsizliyə nə cəmiyyətimiz, nə də rəsmilərimiz hələ də lazımi cavabı verməyib. Bundan sonra verəcəyimiz cavab sözlə deyil əməli addimlarla olmalidir.
Biz, dövlətimizin M.Ə.Rəsulzadə ilə bağlı qərarını müsbət sayırıq və bu yöndə zəruri ehtiyaclarımız olduğu qənaətindəyik. Belə ki, Cumhuriyyətimizin butūn qurucularının adları əbədiləşdirilməli, yubileyləri dövlət, millət tərəfindən keçirilməli, həyat və fəaliyyətləri tədris, təbliğ edilməlidir. Eyni zamanda bildiririk ki, bütün mənalı ömrünü rus imperializminə qarşı mübarizəyə, millətimizin birləşməsinə həsr etmiş Ə. Elçibəyin adı hələ də əbədiləşdiriməmiş olaraq qalır. Təxirə salınmadan Milli Azadlıq Hərəkatının lideri Ə. Elçibəyin adına küçə, parkların verilməsi, ev muzeyinin yaradılması və s. kimi addımlar Azərbaycan dövlətinin rus imperializminə verdiyi ən tutarlı cavab olardı.
Milli Hərəkatçılar Birliyi
Bakı şəhəri, 07.02.2024-cü il
