ANAMA-nın əməkdaşı Bəhruz Nəsirov 20 ilə yaxındır ki, minatəmizləmə işi ilə məşğuldur. Amma bu qədər peşəkar olmasına baxmayaraq, o da ermənilərin basdırdığı sürpriz minanın zərərçəkənlərindəndir.

Bəhruzun azyaşlı oğlu Tapdıq Nəsirov deyir ki, o da atasından bütün təlimatları alıb, təhsil aldığı orta məktəbdə şagirdlər arasında təbliğ edir.

Bəhruz Nəsirov söhbət zamanı qeyd edib ki, minatəmizləmə əməliyyatı aparılarkən beynəlxalq minatəmizləmə standartlarına əsasən, yaxınlıqda mülki şəxs varsa, o zaman bütün əməliyyatlar dayandırılır, təhlükəsizlik qaydalarına riayət olunur:

“Bəzi insanlar hələ də yanlış fikirdədir. Onlar düşünürlər ki, mina üzərinə ayaq basdılarsa və üzərində dayanıblarsa, mina partlamayacaq”.

Ətraflı Baku TV-nin süjetini təqdim edirik: