"Yaradıcı şəxslər bəzən fiziki şəxs kimi, bəzən isə hüquqi şəxs formasında fəaliyyət göstərirlər. Lakin onların fəaliyyəti bir çox hallarda satınalma predmeti kimi çıxış edə bilmir".

Sabahinfo.az xəbər verir ki, bunu Milli Məclisin bu gün keçirilən plenar iclasında “Mədəniyyət haqqında” qanunda dəyişiklik edilməsi barədə qanun layihəsinin müzakirəsi zamanı mədəniyyət nazirinin müavini Səadət Yusifova deyib.

"Bu səbəbdən "Qrant haqqında" qanuna dəyişikliklərin edilməsi zəruridir ki, yaradıcı şəxslərin potensialından mədəni və yaradıcı sənaye sahəsində daha effektiv istifadə edə bilək", - deyə nazir müavini bildirib.