Bu günlərdə Kəlbəcər Rayon İcra Hakimiyyətinin başçısı Azər Qocayev və Yeni Azərbaycan Partiyası Kəlbəcər Rayon Təşkilatının sədri Həbib Misirov  Başlıbel kəndindən olan şəhid  Elşad İsa oğlu Salahovun dəfninin 28-ci ildönümündə iştirak etmək üçün şəhidin Bərdə rayonunun İmamqulubəyli kəndində məskunlaşan ailə üzvlərini  ziyarət etmişlər. 

 Onlar şəhidin ailə üzvlərinə başsağlığı vermiş,dövlətimizin  və hökumətimizin hər zaman şəhid ailələrinin yanında olduğunu bildirmişlər. Görüşdə şəhidlərimizin ruhuna  dualar oxunmuşdur.  Şəhid Elşad Salahovun qardaşı Xasay Salahov,bacıları Fəxrəndə və Gülzəndə Salahovalar  onları belə ağır gündə yada saldıqlarına görə rayon rəhbərliyinə öz təşəkkürlərini bildirmiş,bu görüşü Respublika Prezidenti  cənab İlham Əliyevin  şəhid ailələrinə qayğısının əyani sübutu  kimi qiymətləndirmişlər.   Qeyd etmək lazımdır ki , şəhid Elşad Salahov !993-cü il dekabrın  sonunda  keçiriləm  Murovdağ  əməliyyatında şəhid olmuş,altı aydan da çox  müddətdə  onun cəsədi tapılmamış,1994-cü il iyun ayının 20-də cəsədinin qalıqları tapılaraq Bərdə rayonunun Xanərəb kənd qəbiristanlığında dəfn edilmişdir.                                                                            

Oqtay Salahlı       

Dalidag.az