Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanasında “Yubileylər silsiləsi” layihəsi davam edir.
Layihə çərçivəsində kitabxananın İnformasiya-resurs şöbəsinin müdiri Təranə Heydərovanın və Metodika və biblioqrafiya şöbəsinin müdiri Aysel Həsənovanın hazırladıqları videoçarx yazıçı, dramaturq, şair, diplomat, tarixçi, şərqşünas, bəstəkar və pianoçu Aleksandr Sergeyeviç Qriboyedovun 230 illik yubileyinə həsr olunub. 
 “Aleksandr Qriboyedov – 230” adlı videoçarxda A.S.Qriboyedovun həyatı, yaradıcılığı və fəaliyyəti haqqında məlumat verilir. İzləyicilər videoçarxda A.Qriboyedovun Azərbaycan haqqında yazıları ilə tanış olur, burada Azərbaycanın görkəmli alimi, filosofu, yazıçısı, şairi, tarixçisi Abbasqulu ağa Bakıxanovun şairlə dostluğu haqqında məlumat var. 
Videoçarxda şairin kitabxananın fondunda olan bir sıra kitabları da nümayiş olunur. Mərkəzi Kitabxananın Fəxri oxucusu, yazıçı, politoloq Reyhan Mirzəzadə “A.S.Qriboyedov: şair – diplomat” adlı kitabı haqqında qısa məlumat verilir. Videoçarx tanınmış pianoçu, bəstəkar Yevqeni Qrinkonun “Vals”ı ilə müşayiət olunur.  
Videoçarx kitabxananın YouTube kanalında aşağıdakı keçiddə izləyicilərə təqdim olunur: 
https://www.youtube.com/watch?v=ckIk1VAmTMw