Çox şadam ki, gah vaxtı, gah yeri dəyişdirilən qurultayımız baş tutdu. Bir ara söhbət var idi ki, qurultay Şuşada keçirilsin. Amma Bakıda baş tutsa da, bu məclisdə Şuşanın saf, təmiz havası hiss olunur.

Sabahinfo.az xəbər verir ki, bunu AYB-nin 13-cü qurultayında çıxış edən Ramiz Rövşən deyib.

Xalq şairi bildirib ki, Anara qibtə etmir, amma ona sədr kimi psixoloji dözümlülük göstərdiyi üçün qibtə edir:

“Anar, buna görə, sənə təşəkkür edirəm! Sənin sədr kimi işin çox çətindir. Biz dilimizin, mənəviyyatımızın keşikçiləriyik. Təkcə ədəbiyyatımızın yox, həm də dilimizin hesabatını veririk”.(kult.az)