"Biz ABŞ-ı bölgədə sülh və sabitlik üçün təhrikedici xarakterli çıxışlara və ya əməllərdən çəkinməyə çağırırıq".

Bu haqda Çinin ABŞ-dakı səfirliyinin bəyanatında bildirlib.

Məlumata görə, ABŞ-ın "Lassen" raket daşıyıcısı Yaponiyanın Yokosuka adasındakı bazasından Cənub Çin dənizindəki Spratli (Nanşa) arxipelaqı yaxınlığında Çinin saldığı süni adaların yaxınlığında patrul xidmətini həyata keçirib.

Çin tərəfi məsələ ilə bağlı daha sonra bildirib ki, azad nəqliyyat və uçuş hərəkəti başqa dövlətin "suverenliyi və təhlükəsizliyini təhidid etmək üçün əzələ nümayişi göstərməsinə bəhanə olmamalıdır".

Qeyd edək ki, Yaponiya hökuməti Çinin həmin ərazidə süni adalar tikməsinə etiraz edib.

Filippin hökiuməti isə ABŞ hərbi gəmisinin həmin ərazidə patrul xidməti keçməsini alqışlayıb.

Xatırladaq ki, Cənub dənizi neft, təbii qaz və balıqçılıq baxımından zəngin qaynaqlara malikdir. Həmin adalara Tayvan, Çin, Bruney, Malayziya, Vyetnam Filippin də iddia edir.