Azərbaycan milli komandası ilə 2018-ci il dünya çempionatının seçmə qrup matçını izləməyə gələcək Almaniya yığmasının azarkeşləri də futbol oynayacaqlar.
sabahinfo.Az goal.az-a istinadən xəbər verir ki, Almaniya Futbol İttifaqının rəsmi saytı görüşü Bundestimin fan-klubu təşkil edəcəyini yazıb.
Onlar martın 26-da gündüz saatlarında "Bayıl Arena"da bir-biriləri ilə üz-üzə gələcəklər.
Fan-klub oyunda iştirak etmək istəyənlərdən xüsusi anketi doldurmalarını xahiş edib.
Azərbaycan - Almaniya matçı isə həmin gün saat 20:00-da başlanacaq. Görüş Tofiq Bəhramov adına Respublika stadionunda təşkil olunacaq.
Qeyd edək ki, Almaniyadan Azərbaycana 800-dək azarkeş gələcək. Biletlər Federasiya tərəfindən alınıb.