17-18 noyabr tarixlərində Ukraynanın Kiyev şəhərində keçirilən "Open Kiev” adlı beynəlxalq taekvando müsabiqəsində 7 ölkədən olan 800 idmançı arasından Azərbaycan taekvandoçularının hamısı vətənə medalla dönüblər.

Ukrayna, Belarus, Moldova, Gürcüstan, Ruminya və Latviyanın iştirak etdiyi müsabiqədə Azərbaycanın "Grandmaster” və "Abşeron” taekvando idman klubları iştirak edib.

Azərbaycanı təmsil edən "Grandmaster” taekvando klubunun idmançıları Fatimə İsmayılzadə, Nigar Abdullayeva və Xədicə İsmayılova 1-ci yerin qalibi olublar. Digər yerli iştirakçı klub "Abşeron”un döyüşçüləri Səadət Abasova 1-ci yer, Əliağa Abasov 2-ci yer, Mədinə Səfərova isə 3-cü yeri qazanıblar.

"Grandmaster” taekvando idman klubunun rəhbəri Cavanşir Mirzayev "bu uğurlarımız bayraq gününə təsadüf etdi, vətənimizi təbrik etdik” bildirib.