Qazaxıstan prezidenti Nursultan Nazarbayev prezident İlham Əliyevi ad günü münasibətilə təbrik edib. Sabahinfo.az-ın AzərTAc-a istinadən xəbərinə görə, təbrik məktubunda deyilir:
"Hörmətli İlham Heydər oğlu.
Ad gününüz münasibətilə Sizi səmimi qəlbdən təbrik etmək istəyirəm.
Biz Sizin Azərbaycan cəmiyyətinin quruculuğu işinə, eləcə də ölkənin təbliğinə və onun iqtisadi inkişafına verdiyiniz töhfəni yüksək qiymətləndiririk. Azərbaycan Respublikası bu qısa tarixi dövrdə böyük nailiyyətlər əldə edib, dünya birliyinin fəal və nüfuzlu üzvü olub.
Əminəm ki, ənənəvi dostluğumuz və mehriban qonşuluq əlaqələrimiz xalqlarımızın firavanlığı naminə möhkəmlənməkdə davam edəcək.
Fürsətdən istifadə edərək, hörmətli İlham Heydər oğlu, Sizə möhkəm cansağlığı, tükənməz enerji və fəaliyyətinizdə yeni nailiyyətlər, qardaş Azərbaycan xalqına isə əmin-amanlıq və firavanlıq arzulayıram".
Həmçinin Belarus prezidenti Aleksandr Lukaşenko, Monteneqro prezidenti Filip Vuyanoviç, Bolqarıstan Prezidenti Rosen Plevneliyev və Çin Xalq Respublikasının sədri Si Cinpin, Özbəkistan prezidenti Şavkat Mirziyoyev də prezident İlham Əliyevi ad günü münasibətilə təbrik ediblər.
