İndoneziyada narkotik maddələrin qaçaqmalçılığında ittiham edilən 8 narkotacir haqda çıxarılmış edam hökmü beynəlxalq çağırışlara baxmayaraq həyata keçirilib. Musavat.com  BBC-yə istinadən xəbər verir ki, çağırışlar edamın təxirə salınması və ya ömürlük həbslə əvəzlənməsi ilə bağlı idi.

Edam edilənlər Avstraliya, Nigeriya, Braziliya və Filippin vətəndaşlarıdır. Bir qadın Filippin vətəndaşının edamı son anda təxirə salınıb. 

Bundan öncə, mühakimə edilənlərə öz ailə üzvləri ilə sonuncu dəfə görüşmək imkanı yaradılıb.

Qeyd edək ki, Avstraliya İndoneziyanı məhkumlara mərhəmət göstərməyə inandırmağa çalışmış və onu ikitərəfli münasibətlərdə yaranacaq problemlərlə hədələmişdi. Ancaq Cakarta bunu ciddiyə almadı. 

İndoneziyada qanunvericiliyi narkotik qaçaqmalçılığına görə ən yüksək cəza nəzərdə tutur.