Milli Məclisin deputatları Kamran Bayramov və Məlahət İbrahimqızı NATO Parlament Assambleyasının 92-ci Rouz-Rout seminarında iştirak etmək üçün iyunun 13-də Ukraynanın paytaxtı Kiyev şəhərinə səfər edəcəklər.
sabahinfo.az-ın Milli Məclisin mətbuat xidmətinə istinadən verdiyi məlumata görə, tədbirdə problemli regional kontekstdə Ukraynanın transformasiyası, Donbass bölgəsində vəziyyət, müdafiə sektorunda, siyasi, iqtisadi, antikorrupsiya sahələrində həyata keçirilən islahatlarla bağlı məsələlərə baxılacaq.
Seminarda, habelə Cənubi Qafqazda həll edilməmiş münaqişələr mövzusunda müzakirələr aparılacaq.
Millət vəkili M.İbrahimqızı Dağlıq Qarabağ münaqişəsi, cəbhə bölgəsində baş verən son hadisələr, hazırkı vəziyyət barədə məlumat verəcək.
