Qazaxıstanın baş naziri Kərim Məsimov vəzifəsindən azad olunub.

APA-nın məlumatına görə, ölkə prezidenti Nursultan Nazarbayev bununla bağlı sərəncam imzalayıb.

K. Məsimov Milli Təhlükəsizlik Komitəsinin sədri vəzifəsinə təyin olunub. Baş nazirin səlahiyyətlərini isə müvəqqəti olaraq baş nazirinin birinci müavini Bakıtcan Saqintayev icra edəcək. Nazirlər Kabineti indiki tərkibdə yeni hökumət təsdiq olunanadək fəaliyyət göstərəcək.