Bakıda keçirilən taekvondo üzrə Qran-pri turnirinin final mərhələsi bu gün başa çatacaq. Apasport.az saytının məlumatına görə, yarışın sonuncu günündə daha 4 çəkinin qalibinin adına aydınlıq gələcək.
Bu çəki dərəcələrindən 3-də Azərbaycan da təmsil olunacaq.
Kişilər
68 kq
Dünya reytinqində 12-ci yerdə qərarlaşan Ayxan Tağızadə ilk qarşılaşmasında cənubi koreyalı Seok-Bae Kimlə üz-üzə gələcək.
+80 kq
Olimpiya çempionumuz Radik İsayevin yarışda debütü uğurlu alınmayıb. Öz çəkisinin lideri gözlənilmədən Roman Kuznetsova uduzub. Rusiyalı taekvondoçu 3:0 hesablı qələbə sayəsində mərhələ adlayıb.
Qadınlar
57 kq
Xanım taekvondoçuların mübarizəsində ölkəmizi təmsil edən Yaprak Eriş 1/8 finalda Hedaya Malakla (Misir) üz-üzə gələcək.
Qeyd edək ki, yarışın ilk günündə Milad Beiqi Harçeqani (80 kq) çıxışını qızıl medalla başa vurub.
