Dirçəlmiş Şuşa bütün dünya sivilizasiyası, Azərbaycanı şöhrətləndirən mərkəz deməkdir.
Trend-in məlumatına görə, bunu Rusiyanın nüfuzlu "Natsionalnaya oborona" jurnalının baş redaktoru, məşhur hərbi ekspert İqor Korotçenko rusiyalı ekspertlərin Şuşaya səfərinin yekunları ilə bağlı bu gün Bakıda keçirilən mətbuat konfransında deyib.
O qeyd edib ki, Şuşada Heydər Əliyev Fondunun fəaliyyəti sayəsində mədəniyyət və memarlıq mərkəzləri bərpa olunub.
"Füzuli Beynəlxalq Hava Limanının tikintisi sürəti Ginnesin rekordlar kitabına düşməyə layiqdir. Bir ildən az müddət ərzində bütün növ hava gəmilərini qəbul etmək gücündə olan infrastruktur obyekti inşa edilib", - deyə ekspert bildirib.
