Ankara ABŞ-dan daha sərfəli şərtlərlə daha çox mayeləşdirilmiş təbii qaz (LNG) almaq istəyir.
Bu barədə Türkiyə Prezidenti Rəcəb Tayyib Ərdoğan Nyu-Yorkda TAİK-in (Türkiyə-ABŞ İş Şurası) iclasında çıxışı zamanı bildirib.
“Biz qarşıdakı dövrdə ABŞ-dan daha sərfəli şərtlərlə alacağımız qazın həcmini artırmaq istəyirik. Əlimizdə olan qabaqcıl infrastruktur sayəsində biz ABŞ LNG-nin (mayeləşdirilmiş təbii qaz) region ölkələrinə çatdırılmasında əməkdaşlığa hazırıq”, - deyə Türkiyə lideri bildirib.
Hazırda Türkiyəyə əsas qaz tədarükçüləri Azərbaycan, Rusiya və İrandır.
