Krasnodarın mərkəzində “Volksvagen”lə toqquşduqdan sonra VAZ-2110 markalı avtomobil binaya çırpılıb, eyni avtomobildə olan Ermənistan vətəndaşı və iki Azərbaycan vətəndaşı xəsarət alıb.

Sabahinfo.az xəbər verir ki, bu barədə RİA Novosti məlumat yayıb.

Qeyd olunur ki, noyabrın 22-də axşam saatlarında “Volksvagen” markalı avtomobili idarə edən 46 yaşlı qadın Krasnodarın mərkəzində qeyri-qanuni dönmə icra edib, nəticədə VAZ-2110 markalı avtomobillə toqquşub. Rayon Dövlət Avtonəzarət Müfəttişliyinin məlumatına görə, toqquşmadan sonra VAZ Dzerjinski küçəsindəki binalardan birinin qarşısına çırpılıb.

Avtomobilin sürücüsü və iki sərnişin - 20 yaşlı Ermənistan vətəndaşı və iki 19 yaşlı Azərbaycan vətəndaşı müayinə olunmaq üçün tibb müəssisəsinə aparılıb.

Qəza ilə bağlı inzibati araşdırma aparılır.