"Dairədə olan qanun pozuntuları ilə bağlı birinci Mərkəzi Seçki Komissiyasına (MSK) müraciət etmək lazımdır, məhkəməyə yox”.

Modern.azxəbər verir ki, bu sözləri Komissiyanın bu gün keçirilən iclasında MSK sədri Məzahir Pənahov deyib. O qeyd edib ki, 22 saylı Nəsimi seçki dairəsindən namizədliyi qeydə alınmış şəxs müşahidəçi vəsiqələrini Dairə Seçki Komissiyasına versə də, bunun qəbul edilmədiyini iddia edib və bununla bağlı məhkəməyə müraciət edib:

"Belə görünür ki, həmin namizəd məhkəmə həvəskarıdır. Belə olan halda, həmin şəxsə zorla vəsiqələri vermək lazımdır. Onun deyəsən, başqa məqsədləri var. Adını hansısa hesabatlara saldırmaq niyyəti daşıyır. O hansısa statistik göstəricilərə xidmət edir”.

Qeyd edək ki, iclasda hansı namizəddən söhbət getdiyi barədə məlumat verilməyib.