Futzal üzrə Azərbaycan çempionu "Araz" UEFA Kubokunun elit-raunduna yüksəlib.

Sabahinfo.Az apasport.az-a istinadən xəbər verir ki, Naxçıvan təmsilçisi əsas mərhələnin II turundan sonra mərhələ keçməyi təmin edib.

II qrupda turun ikinci qarşılşmasında qeydə alınan nəticə "Araz"ı növbəti mərhələyə daşıyıb. Həmin qarşılaşmada Gürcüstan təmsilçisi TDU Makedoniyanın "Zalezareç" klubunu 10:0 hesabı ilə darmadağın edib.
 
Sonuncuların məğlubiyyəti "Araz"ın ilk iki yerdən birini təmin etməsinə səbəb olub. Belə ki, Kosovo "Feniks"ini 1:0 hesabı ilə yenən çempionumuz 6 xalla 1-ci yerə sahib çıxıb.
 
3 xala malik TDU və "Feniks" son turda üz-üzə gələcəyindən onlardan yalnız biri "Araz"a çata bilər. Təmsilçimiz makedoniyalılara uduzsa da, ona çatmaq imkanı olan komandalarla şəxsi görüşlərin nəticəsinə görə 1-ci olacaq.