“Musiqili Ulduz Olimpi” layihəsi çərçivəsində Tatarıstanın Almetyevsk çəhərində “Planet Arts” Beynəlxalq Çoxjanrlı Uşaq, Böyüklər və Peşəkar Müsabiqə və Festivalı və “Ulduz Yolu” Regional Çoxjanrlı Uşaq, Böyüklər və Peşəkar Müsabiqəsi keçirildi.
N.M.Kudaşev adına Leninoqorsk Uşaq Musiqi Məktəbinin şagirdi Esmanur Firdovsili hər iki müsabiqədə ən yüksək bacarıq səviyyəsini nümayiş etdirdi və 8-10 yaş kateqoriyasında iştirakçılar arasında “İnstrumental Janr. Kamanlı Simli Alətlər. Skripka” kateqoriyasında birinci yer diplomlarına layiq görüldü.
Onun dərin və emosional ifası həm münsiflər heyətini, həm də tamaşaçıları təsirləndirdi, gənc sənətkarın fövqəladə istedadını və ciddi hazırlığını açıq şəkildə nümayiş etdirdi.
Skripka müəllimi: Rozaliya Əhmədullovna Xasanova, müşayiətçi: Natalya Gennadyevna Zaxarovadır.
Esmanur Firdovsili və müəllimlərini layiq olduqları qələbə münasibətilə təbrik edir və onlara davamlı yaradıcılıq uğurları arzulayırıq!
“Musiqili Ulduz Olimpi” Rusiyanın müxtəlif bölgələrində uşaq yaradıcılıq müsabiqələri və festivalları üzrə ixtisaslaşmış bir layihədir. Bu layihə gənc istedadların potensiallarını kəşf etmələri, özünəinam qazanmaları və tanınmaları üçün bir platformaya çevrilib. Layihə ilk illərindən Şimal, Sibir, Ural, Volqaboyu və Krasnodar diyarından olan iştirakçılar arasında populyarlıq qazanıb. Bu festivalda iştirak etmək təkcə öz istedadlarını nümayiş etdirmək, peşəkar mütəxəssislərdən rəy almaq və təcrübələrini genişləndirmək üçün deyil, həm də digər bölgələrin mədəniyyəti və incəsənəti haqqında daha çox məlumat əldə etmək üçün bir fürsət yaradır.
Xatırladaq ki, Esmanur Firdovsili gənc diaspor üzvü olaraq Azərbaycanla bağlı keçirilən tədbirlərdə də fəal iştirak edir. Onu da əlavə edək ki, Sura Firdovsili Tatarıstanın Leninoqorsk Bələdiyyə Dairəsinin Deputatlar Şurasının deputatı, Leninoqorskda “Birlik” Azərbaycan Milli-Mədəni Muxtariyyəti ictimai təşkilatının sədri Ramiz Məmmədovun nəvəsi, təşkilatın gənclər şöbəsinin rəhbəri Əziz Firdovsilinin qızıdır.
Qeyd edək ki, Leninoqorskda “Birlik” Azərbaycan Milli-Mədəni Muxtariyyəti ictimai təşkilatının sədri Ramiz Məmmədovun dəstəyi ilə şəhərdə müxtəlif mədəni festivallar, sərgilər və xeyriyyə tədbirləri keçirilir və bu tədbirlərdə Azərbaycan diasporunun gənc üzvləri fəal iştirak edirlər.
