“Bildiyiniz kimi, Prezidentinin səlahiyyətli nümayəndəliyi institutu yaradılıb və onlar müxtəlif yerlərdə fəaliyyət göstərirlər. Bu institut Prezident Adminstrasiyasının strukturuna daxildir”.

Sabahinfo.az xəbər verir ki, bunun Milli Məclis sədrinin 1-ci müavini Əli Hüseynli “Dövlət qulluğu haqqında” Azərbaycan Respublikasının Qanununda dəyişiklik edilməsi barədə qanun layihəsinə münasibət bildirərkən deyib.

1-ci vitse-spiker qeyd edib ki, səlahiyyətli nümayəndlər və onların müavinləri PA-nın əməkdaşıdırlar, dövlət qulluçusudurlar.

"Bu dəyişiklikdə onların statusu ilə yanaşı sosial təminatı məsələsi də nəzərdə tutulub. Qeyd edim ki, icra hakimiyyətləri əhali və Prezidentin səlahiyyətli nümayəndəsi ərazi ilə məşğul olurlar”, - deyə Ə.Hüseynli bildirib.

Çıxışlardan sonra “Dövlət qulluğu haqqında” Azərbaycan Respublikasının Qanununda dəyişiklik edilməsi barədə qanun layihəsi səsə qoyularaq qəbul edilib./bakivaxti.az