Son iki həftə ərzində Sankt-Peterburq və Leninqrad vilayətində polis Rusiyadan deportasiya ediləcək 1000-ə yaxın miqrantı həbs edib. 

Sabahinfo.az xəbər verir ki, bu barədə Rusiya Federasiyası Daxili İşlər Nazirliyinin mətbuat xidməti məlumat yayıb.

Məlumata görə, hüquq-mühafizə orqanları miqrantlar arasında pozuntu hallarının müəyyən edilməsi məqsədilə yoxlamalar aparıb. Xüsusilə, polis 150 tikinti sahəsinə, onlarla bazara, 140 ictimai yemək məntəqəsinə və 200 miqrant qəsəbəsinə baxış keçirib.

Nəticədə miqrasiya qanunvericiliyinin 7500 pozuntusu aşkar edilib. O da qeyd olunur ki, iki həftə ərzində miqrantlar tərəfindən 3,5 min yol hərəkəti qaydasının pozulması faktı qeydə alınıb. Bundan başqa, miqrantların əmək fəaliyyətinin təşkili ilə bağlı qanun pozuntularına görə 150 ​​şirkət inzibati məsuliyyətə cəlb edilib.