Soçidə Rusiya Prezidenti Vladimir Putinlə Ermənistanın baş naziri Nikol Paşinyan arasında görüş başa çatıb.

Bu barədə Kremlin mətbuat xidməti məlumat yayıb.

Təkbətək görüş bir saatdan artıq davam edib. Tərəflər görüş zamanı Rusiya, Azərbaycan və Ermənistan arasında əldə olunmuş üçtərəfli razılaşmaların yerinə yetirilməsi və ikitərəfli gündəmdə qarşılıqlı maraq doğuran məsələləri müzakirə ediblər. 

16:00

“Ermənistan istənilən vaxt Azərbaycanla regional kommunikasiyaları açmağa hazırdır”.

Bu sözləri Ermənistanın baş naziri Nikol Paşinyan Soçidə Rusiya Prezidenti Vladimir Putinlə təkbətək görüşdə deyib.

15:39

Soçidə Rusiya Prezidenti Vladimir Putinlə Ermənistanın baş naziri Nikol Paşinyan arasında görüş start götürüb.

Bu barədə Vesti.ru məlumat yayıb.

“Bakı və İrəvan arasında problem artıq uzun illərdir davam edir, nə vaxtsa buna son qoymaq lazımdır. Bilirəm ki, sizin bunun üçün siyasi iradəniz var. Biz bunu dəstəkləyirik. Nəqliyyat kommunikasiyalarının açılması həmçinin iqtisadiyyat və sosial sahənin inkişafı ilə əlaqədardır. Ən önəmlisi – sülhü təmin etmək və inkişaf üçün şərait yaratmaqdır. Ermənistan bizim strateji müttəfiqimizdir. 

Bu bizim üçün xüsusi vəziyyətdir. Üçtərəfli görüşdə hansısa razılaşmaların əldə ediləcəyinə ümidvaram”, - deyə görüşdə V.Putin bildirib.

Öz növbəsində görüşdə Nikol Paşinyan bildirib ki, Qarabağ məsələsində Ermənistanla Azərbaycan arasında münasibətlərin qurulması üzrə Rusiya layihəsinin təklif etdiyi yanaşma İrəvan üçün qəbulediləndir.

“Delimitasiya üzrə işlərin başlanmasından əvvəl iki ölkənin sərhədində təhlükəsizliyin artırılması lazımdır”, - deyə N.Paşinyan bildirib.