Sumqayıt şəhər Gənclər və İdman Baş İdarəsi, Gənclərin İnkişaf və Karyera Mərkəzinin Sumqayıt nümayəndəliyi və Sumqayıt regional "ASAN xidmət" mərkəzinin birgə təşkilatçılığı ilə 15 iyun - "Milli Qurtuluş Günü"nə həsr olunmuş "Voleybol" üzrə şəhər çempionatı baş tutub.

Sumqayitfakt.Az-ın məlumatına görə, iki gün keçirilən çempionatda ümumilikdə 6 komanda iştirak edib. Final mərhələsinə vəsiqə qazanmış komandaların gərgin mübarizəsi nəticəsində YAP Sumqayıt şəhər Təşkilatının Gənclər Birliyini təmsil edən komanda 1-ci, Sumqayıt Regional ASAN Xidmət Mərkəzini təmsil edən komanda 2-ci, GİKM Sumqayıt Nümayəndəliyini təmsil edən komanda 3-cü yeri qazanıblar. Bağlanış mərasimində təşkilatçılarla yanaşı Azərbaycan Respublikası Milli Məclisinin Səhiyyə, Elm və Təhsil komitələrinin üzvü, deputat Müşfiq Məmmədli qonaq qismində iştirak edib.