Azərbaycanda gənclər siyasətinin dövlət səviyyəsində aparılması, bu siyasətin dövlətçiliyin başlıca amillərdən biri olması böyük tarixi şəxsiyyət Heydər Əliyevin adı ilə bağlıdır. İstər Azərbaycanda rəhbərliyinin birinci dönəmində, istərsə də xalqın ciddi tələbi ilə hakimiyyətə qayıdışından sonra bu siyasətə həmişə həssas münasibət olub.
Azərbaycanda milli-azadlıq hərəkatının hərəkətverici qüvvəsi gənclər idi. Onlar Azərbaycanın dövlət müstəqilliyinin bərpasının dönməz mücahidləri oldular. Ulu Öndər hakimiyyətə qayıtdıqdan sonra respublikada baş qaldıran separatçılığa qarşı kəskin mübarizədə Ulu Öndərin ətrafinda six birləşdilər. Onda bir daha təsdiqləndi ki, Azərbaycan gəncliyi Azərbaycanın, Azərbaycanı sevən, onun sabahları naminə dünyəvi siyasəti dəyişdirməyə qadir olan böyük tarixi şəxsiyyət Heydər Əliyevin ətrafinda six birləşdi.
Azərbaycan gəncliyini daha da mətinləşdirən Ulu Öndər deyirdi: “Bizim bugünkü gəncliyimiz sağlam düşüncəli gənclikdir, xalqını, millətini sevən gənclikdir”. Bu kəlamlar gəncliyə verilən yüksək mənəvi dəyər idi.
Ulu Öndər Heydər Əliyevin 1997-ci il fevralın 2-də imzaladığı sərəncamla 2 fevral Azərbaycanda Gənlər Günü kimi qeyd edilməyə başladı. Ulu Öndərin Gənclər siyasətinin nəticəsidir ki, XXI əsrin Azərbaycan gəncliyi dərin bilikli, məntiqi düşüncəli, intellektual səviyyəli, geniş dünyagörüşlü gənclər kimi formalaşıb.
Azərbaycan Respublikasının Prezidenti Cənab İlham Əliyev Ulu Öndərin Gənclər siyasətini də uğurla davam etdirir. Bu gənclər Vətən müharibəsində qazanılan zəfərin öncüllərindən oldu. Azərbaycan Respublikasının Prezidenti Cənab İlham Əliyev Vətən müharibəsində xalqa müraciətində dedi: “Bütün nəsillərdən olan vətəndaşlarımızın bu qələbədə böyük zəhməti var, ancaq onu da bildirməliyəm ki, əsas yükü, əsas vəzifəni gənc nəsil yerinə yetirdi”.
Azərbaycan gəncliyi işğaldan azad edilmiş ərazilərdə aparılan quruculuq işlərində də nəyə qadir olduğunu azərbaycançılığa, dövlətə, dövlətçiliyə sədaqətlə təsdiqləyəcəkdir. Gənclər Günü gənclərimizin dövlətçiliyə sevgisinin tarixi zəmanətidir...
Səbinə XASAYEVA,
Milli Məclisin Deputatı