Şahbuz rayonundakı "Ağbulaq" İstirahət Mərkəzində "Gənclərin Qış Məktəbi" çərçivəsində təşkil olunan sonuncu düşərgə 22-24 fevral tarixlərində reallaşıb. Naxçıvan Muxtar Respublikasının Gənclər və İdman Nazirliyi, Gənclər Fondu, YAP Naxçıvan Muxtar Respublika Təşkilatının Gənclər Birliyi və Həmkarlar İttifaqları Şurası tərəfindən birgə təşkil olunan "Gənclərin Qış Məktəbi"ndə muxtar respublikanın bütün bölgələrindən bir qrup gəncin iştirakı təmin olunub. Məqsəd gənclərin asudə vaxtını səmərəli təşkil etmək, şəxsi inkişafını sürətləndirməklə yanaşı, onlara hər bir azərbaycanlıya örnək olan Heydər Əliyev irsinin aşılanmasından ibarətdir. Üç günlük müddət ərzində bu istiqamətdə tədbirlər keçirilib, fəallıq göstərən gənclər fəxri fərmanla təltif olunublar.