"Formula 1" Azərbaycan Qran prisinin keçirilməsi ilə bağlı heç bir problem və ləngimələr yoxdur.
Trend-in məlumatına görə, bunu gənclər və idman naziri Azad Rəhimov jurnalistlərə deyib.
A.Rəhimov bildirib ki, bundan əvvəlki 3 ildə yarış hansı səviyyədə keçirilirdisə, bu il də eyni səviyyədə olacaq: "Çox istəyərdik ki, 2017-ci ildə keçirilən "Formula 1" yarışları kimi builki yarışlar da maraqlı keçsin".
Bilet satışı haqqında danışan A.Rəhimov qeyd edib ki, bilet satışları da uğurla davam edir. Onun sözlərinə görə, ən çox bileti Rusiya, İngiltərə, Monako, Niderland və Türkiyə vətəndaşları alıblar.
