Dövlət Departamenti növbəti ilin yanvar ayında sabiq dövlət katibi Hillari Klintonun 55 min səhifədən ibarət xidməti yazışmasını dərc edəcək. Trend-in TASS-a istinadən verdiyi məlumata əsasən, bu barədə Vaşinqtonun "Politicio” qəzeti xəbər verir.

Qəzetdə Departamentin rəsmi nümayəndəsi Con Haketin sözləri yer alıb: "Dövlət Departmenti Klintonun yazışmalarının yoxlanılmasının ilin sonuna kimi başa çatacağını planlaşdırır. Bayram günlərini nəzərə alsaq, işlər 2016-cı il yanvarın 15-də başa çatacaq”.