İsrail hərbçiləri Yəməndən atılan pilotsuz uçuş aparatını (PUA) vurub.

Sabahinfo.az  TASS-a istinadən xəbər verir ki, bu barədə İsrail ordusunun mətbuat xidməti məlumat yayıb.

Məlumata görə, hədəf İsrailin cənub səması üzərində vurulub, "protokola uyğun olaraq" hava həyəcanı siqnalı verilməyib.

Hərbi mənbələr “The Times of Israel” nəşrinə bildirib ki, İsrail Hərbi Hava Qüvvələri tərəfindən pilotsuz təyyarə Qəzza zolağı ilə sərhəddən təxminən 10 km məsafədə yerləşən Qvulot qəsəbəsi yaxınlığındakı Negev səhrası üzərində vurulub.

Xəsarət alanlar və ya dağıntılar barədə məlumat daxil olmayıb.