"FlyDubai” aviaşirkətinin birbaşa Dubay-Qəbələ mövsümi reyslərinə biletlərin qiyməti açıqlandı.

Sabahinfo.Az 1news.az-a istinadən xəbər verir ki, "ora-geri” aviabiletlərin qiyməti 250 dollar (Azərbaycan Mərkəzi Bankının fevralın 16-na olan rəsmi məzənnəsi ilə 432,4 manat) olacaq. Aviabiletlərin qiymətinə qidalanma, 20 kq qədər baqaj daxildir. 

Qeyd edək ki, daha öncə yayılan məlumata görə, Dubay-Qəbələ mövsümi aviareysləri cari ilin iyunun 22-dən sentyabrın 17-dək yerinə yetiriləcək.

Reyslər həftədə iki dəfə - cümə axşamı və bazar günləri həyata keçiriləcək.