Bakının Suraxanı rayonunda, Zığ qəsəbəsi, Hövsan yolunun üstündə yerləşən "BakuBus"ın avtomobil parkı yaxınlığında ayı balası peyda olub. AzNews.azxəbər verir ki, ayının ərazidə peyda olması insanlarda təşviş yaradıb. Hadisə yerinə Fövqəladə Hallar Nazirliyinin Xüsusi Riskli Xilasetmə Xidmətinin əməkdaşları cəlb olunub. Ayı ərazidən götürülüb. Fövqəladə Hallar Nazirliyinin (FHN) mətbuat xidmətinin rəhbəri Oktay Bayramov ayı balasının aidiyyəti üzrə təhvil veriləcəyini bildirib.