• Səni çoxdan gözləyirdim,
  İndi niyə gəlmisən..?
  Ovcundakı nədir bəs,
  Şəklimi neyləmisən?..
   
  Yadındamı o gecə...
  Tükürpədən səssizlik..
  Əvvəldən ayrılığı,
  Biz belə bilməmişdik...
   
  Ölüm belə olmazmış,
  Can candan ayrılırdı...
  Bu boyda eşqdən bizə
  Xatirələr qalırdı...
   
  Nə deyib gedəcəkdik...
  Bir-birinə son anda?...
  Gəl necə görüşmüşdük
  Elə ayrılaq onda....
   
  Nə var ki.ağlamağa
  Gözünü silən olsa...
  "Yüz il gözləmək" olar,
  Sevirəm deyən olsa...
   
  ...Gör bir neçə il keçib,
  Nıyə indi gəlmisən...
  Nə get deyə bilirəm,
  Nə də ki,eyniməsən....!!
   
   
  ***
  Deyirsən darıxırsan,
  Otur birgə darıxaq...
  Mənə aid nəyin var
  Götür,birgə darıxaq..
   
  Axı nədir darıxmaq
  Bu sevginin yanında...!
  Özünü zamanında
  Yetir,birgə darıxaq...
   
  Bax bu da yelkən sənə..
  Ayrılıq nə..vüsal nə...
  Qurban olum qəminə
  Gətir,birgə darıxaq...
   
   
  BU GECƏNİN ŞEİRİ
  Səni sevmək...
  payızı sevməkdi,
  Taledən qovulub
  sərgərdan gəzməkdi...
   
  Dirigözlü ölmək,
  o dünyanı görüb gəlməkdi...
  Əllərində qandal daşımaq,
  bir işi yüz dəfə yenidən başlamaqdı...
   
  Dar ağacının altinda
  canını zikr edib...
  Hər gecə ayrılıqdan asılmaqdı...
   
  Güzgülərdən boylanan tənhalığa 
  üşümək,
  otaq küncündəki yalqızlığa 
  alışmaqdı....
   
  Dinindən dönmək...dinə gəlmək..
  Üzü qibləyə dayanıb AĞRI qılmaqdı...
  Səni sevmək...!
   
   
  TALE MƏNƏ NƏ VERİDİ Kİ,NƏ ALSIN
   
  Könlüm qırıq,ömür yarı ,a dünya,
  Əllərim boş,üzüm qara ,a dünya,
  Qorxum yoxdu bundan sonra ,a dünya
  Tale mənə nə verdi ki,nə alsın...
   
  Qəm yetirən,kədər dərən ürəyəm,
  Bu viran eşq ilə kimə gərəyəm.
  Loğmanı geçikən ağır xəstəyəm
  Tale mənə nə verdi ki,nə alsın...
   
  Kimi ona qismət dedi,kimi baxt.
  Nəyə gərək yel oynadan quru taxt,
  Tanrım sən də dön Göylərdən mənə bax
  Tale mənə nə verdi ki,nə alsın...
   
  Şahnazam,əllərəm yardan üzülü,
  Göz yaşlarım Göy üzünə düzülü,
  Dodağımdan son kəlmələr süzülür...
  Tale mənə nə verdi ki,nə alsın...
   
   
  ***
  Onda da belə idi .
  İçimi
  yandıra-yandıra yığıldı boğazıma,
  qızdırmalı sözlər...
  mən dedim sən yozdun..
  sonra da bunu 
  "gözlərini yum"..deyib
  dodaqlarımdan asdın....
   
  Onda da belə idi hava..Yağışlı,
  çiskinli....payız...
  əl-ələ tutub sevincdən ağlatdıq 
  küçələri..
  sən gedəndən bəri 
   belə xoşbəxt görməmişdim
  şəhəri...
   
  Ayrıldıq...
  sonra bir də heç vaxt
  xoşbəxt olmadı şəhər..
  sevincdən ağlamadı küçələr...
  xəstələnmədi sözlər....və sonra
  Biz də olmadıq...
   
   
   
   
  ***
   
  Bir tikə sevgidi 
  sahibsiz pişiyə verdiyim
  çörək....
  Xəstə köpəyin 
  boğazına qoyduğum kompresdi
  ən böyük savabım....
  Sevindirə bildiyim bir yetim uşaqdı
  xoşbəxtlik....
   
   
   
  ****
   
  Biz dost ola bilmədik..
  heç yaxşı düşmən də çıxmadı 
  bizdən,
  duelə çağırmağa..
  İndi artıq gecdi..
  bütün şübhələr keçdi!
  Bu boyda Yer kürəsində 
  daha kimsə tapılmaz
  darıxmağa...
   
   
  ***
  Yadımdan çıx yanıma gəl...
   
  Ruh tək görün gözlərimə.
  Mən itkin bilirdim səni,
  Bu bir möcüzə deyilmi...
   
  Saxlayaq vaxtı sonraya
  Bir ah de...nağıl başlasın...
  Kimsə suçlayacaq bizi..
  Deyək Allah bağışlasın...