Milli Məclisin deputatı Aqiyə Naxçıvanlı SABAHİNFO.AZ saytına müsahibə verib. O müsahibəsində  Ali Baş Komandan İlham Əliyevin rəhbərliyi altında Şanlı Azərbaycan Ordusunun uğurlarından, Azərbayana qarşı həyata keçirilən qərəzli mövqedən danışıb.

-Aqiyə xanım Azərbaycan Prezidenti, Ali Baş Komandan İlham Əliyevin rəhbərliyi altında Azərbaycan Ordusu rəşadətli döyüş aparır. Bir sıra kəndlərimiz, önəmli yüksəkliklər düşməndən azad olunub. Bu yöndə nə deyə bilərsiniz?

-Cənab Prezident beynəlxalq tribunalarda, eyni zamanda yerli televiziyalara müsahibəsində və tədbirlərdə dəfələrlə bu yöndə arqumentli və tutaqlı çıxış edərək bəyan edirdi ki, hazırkı Ermənistan rəhbərliyi ilə danışıqlar aparmaq olmur. Çünki onlar hər dəfə yeni konsepsiya, özlərinə sərf edən təkliklərlə çıxış edirdi. Təbii ki, Azərbaycan tərəfi də bununla razılaşa bilməzdi. Dağlıq Qarabağ Azərbaycan torpağıdır! 30 ildir ki, vətəndaşlarımız səbirsizliklə o torpaqlara qayıdacağı günü gözləyirlər. Sentyabr ayının 27-dən başlanan əməliyyatlar da əbəs yerə aparılmır. Erməni rəhbərliyinin Xankəndidə bir sıra tədbirlər keçirməsi, Azərbayana qarşı həyata keçirdiyi iyrənc siyasətinə göz yuma bilməzdik. Budur Azərbaycan Ordusu sizində qeyd etdiyiniz kimi cəbhədə tarix yazır. Madagizin tarixi adı –Suqovuşan özünə qaytarıldı. Suqovuşanda artıq Azərbayan bayrağı dalğalanır. İnşallah bu əməliyyatlar uğurla davam edəcək və bizim bayrağımız Şuşada, Xankəndidə dalğalanacaq. Mən hər bir azərbayanlı kimi buna inanıram. Allah əsgərlərimizi qorusun. Azərbaycan haqq yolundadır. Bu bizim doğal haqqımızdır. Hər birimizin arzusu, istəyidir. Heç kim, heç bir qüvvə bizi bu yoldan döndərə bilməz.

-Beynəlxalq ictimayyətdə Azərbayana qarşı qərəz müşahidə olunur. Fransa Prezidenti də bu qərəzin başında gələn şəxslərdəndir. Makron indiki məqamda niyə belə bir addım atsın ki?

-Fransa Prezidenti Makronun prezidentilik fəaliyyətinə baxanda görürürük ki, Fransa xalqı heç də Makrondan razı deyil. Bu ölkədə kütləvi aksiyalar keçirilir. Bu isə onu deməyə əsas verir ki, özünü demokratik adlandıran Fransada insan haqqları kobud şəkildə pozulur. Öz  xalqının problemini, tapdanmış hüququni qoruya bilməyən Makrondan biz 1 milyon qaçqın və məcburi köçkünlərimizin hüququnu tanımasını gözləyə bilməzdik. Təbii ki, bu bəyənatda erməni lobbisinin əməyi var. İndiki halda düşünürəm ki, belə bir bəyanat BMT-nin Ermənistan-Azərbaycan-Dağlıq Qarabağ münaqişəsi ilə qəbul etdiyi 4 qətnaməsi kimi kağız parçasından başqa bir şey deyil. Bu bir daha onu deməyə əsas verir ki, Fransa bu 30 il ərzində işğalçı ölkənin mövqeyini müdafiə edib. Ədalətsiz yanaşma ilə haqqın-ədalətin bərqərar olmasına imkan verməyib. Tarixə baxanda Fransanın bir sıra ölkələrdə Vyetnamda, Cibutidə, Qabonda, Tunisdə eləcə də digər ölkələrdə soyqırımlar törədib. Kameruna baxaq. Fransanın müstəmləkə siyasəti bu ölkəni iflic vəziyyətinə qoyub. Bunun kimi 10-larla fakt saymaq olar. Bütün bunların fonunda onu demək olar ki, Fransa prezidenti işğalçını dəstəkləməsi heç də əbəs deyil. Maraqlar naminə verilən bəyanatlar heç bir təsir gücünə malik deyil. Bu təəssüf hissi ilə yanaşı iki ölkə arasında olan münasibətlərə də xələl gətirir.

-Siyahlı Qüvvələrə Yardım Fonduna ianə kampaniyası davam edir. Siz bu kampaniyada iştirak etmisinizmi?

-Bəli. Bu gün elə bir gündür ki, biz bir olmalı, birlik olmalıyıq. Hər bir azərbaycanlı əlindən nə gəlirsə onu etməlidir. Ön cəbhədə əsgərlərimiz arxa cəbhədə bizlər. Zərurət olarsa cəbhəyə də gedərəm, mən ehtiyatda olan tibb bacısıyam.  Bu tək mənim yox bütün Azərbaycan xanımlarının fikridir. Silahlı Qüvvələrə Yardım Fonduna ianə kampaniyasına  mən də qoşulmuşam.  Sevindirici hal ondan ibarətdir ki, artıq bu kütləvi hal alıb. Hər kəs bu kampaniyada fəal iştirak edir.

-Aqiyə xanım Oğuzda mövcud vəziyyətlə bağlı ab-hava necədir?

-Azərbaycanın bütün oğulları mərd, döyüşgən, cəsurdurlar. O cümlədən Oğuzlular. Hələ əməliyyatlar başlamamışdan öndə təlim-toplanış çağırışları zamanı Hərbi Səfərbərlik üzrə Oğuz rayon şöbəsinin önündə iynə atsaydın yerə düşməzdi. Yaşından başından asılı olmayaraq hər kəs bu prosesdə fəal iştirak etmək istəyirdi. Qismən səfərbərlik elan olunanda da mən bunun şahidi oldum. Hər kəs ordumuza dəstək üçün cəbhəyə yollanmaq istəyirdi. Oğuz sakinlərinin Ab-havası olduqca yüksək əhval ruhiyyədədir. Ordumuzun qələbə xəbərinə hamı kimi onlar da ürəkdən sevinir və öz əllərindən gələni edirlər. Bir məqamı sizinlə bölüşmək istəyərdim. Oğuz rayonunun Xaçmaz kəndində gənclərlə görüş keçirən zaman bir yeniyetmə məndən söz istədi. O çıxışında bildirdi ki. əgər müharibə olacaqsa orda 10 min şəhidimiz olacaqsa onların yarısı oğuzlular olacaq. Bu çıxış məni bir daha qürurlandırdı. Hazırda da hər gün rayonda olan qərargahımla, aidiyyatı qurumlarla əlaqə saxlayıram. İnanın nə qədər könüllü var ki, onlar da bu əməliyyatlarda iştirak etmək istəyirlər. Mənim özümə bu yöndə kifayət qədər müraciətlər daxil olur.

-Son olaraq əməliyyatlar zamanı mülki vətəndaşlarımız həlak olub. Onlar arasında uşaqlar da var...

-Bu bir daha erməni vəhşiliyinin, erməni vandalizminin göstəricisidir. Yadınıza gəlirsə 90-cı illərdə ermənilər döyüş zamanı qadın və uşaqlara qarşı necə qeyri-insani davranışlar sərgiləyirdilər. Müharibənin də qayda-qanunları var. Döyüşürsənsə kişi-kimi döyüşməlisən. Mərdi mərdanə döyüşməlisən. Bizim oğullarımız belədir. Ancaq ermənilər vəhşidirlər. Xocalı hadisəsi zamanı da onlar qadın, körpə bilmədən onlara atəş açıb, işgəncə verib qətlə yetirmişdilər. Artıq bununla bağlı beynəxlalq ictimayyətə kifayyət qədər əsaslandırılmış və dolğun məlumat verilibdir. Milli Məclis, Prokurorluq səviyyəsində iş aparılır. Zaman o zaman deyil. Bu zamana qədər erməni lobbisi dünyanın gözünə kül üfürürdü. Yalan, saxta məlumatlarla dünya ictimayyətini çaşdırırdı. İndi isə bu mümkün deyil. Cənab Prezidentin həyata keçirdiyi uğurlu xarici siyasət nəticəsində dünya ictimayyəti Dağlıq Qarabağ münaqişəsi ilə bağlı kifayyət qədər məlumatlanıb. Erməni yalanları işləmir. Onlar yenə də təxribata, saxtakarlığa əl atırlar. İnanıram ki, dünya birliyi ermənilərin bu yalanlarına inanmayacaq. Onların saxtakarlığı ifşa olunacaq. Ədalət bərqərar olacaq. Bizim heç kimin torpağında, ərazisində gözümüz yoxdur. Hazırkı əməliyyatlar da Azərbaycanın öz ərazisində həyata keçirilir. Dağlıq Qarabağın düşməndən azad olması üçün əlimizdən gələni edirik və edəcəyik. Dağlıq Qarabağ Azərbaycanındır! Dünya birliyindən də istəyimiz və tələbimiz odur ki, terrorist, saxtakar və riyakar ermənilərlə bağlı ciddi tədbir görülsün. Bunu beynəlxalq təşkilatlar etmədiyi halda Azərbaycan öz hüquqlarını lazımı səviyyədə qoruyacaq. Azərbaycan nə edirsə beynəlxalq konvensiyalar çərçivəsində həyata keçirir. İndi isə qarşı tərəfin, beynəlxalq təşkilatların adekvat addım atmağının zamanıdır.

Ədil Ədilzadə