Noyabrın 20-si Gəncə şəhərinin Kəpəz rayonunda dördmərtəbəli yaşayış binasında baş verən partlayışdazərər görən mənzillərin sahibləri yataqxanaya köçürülüb.

Bu barədəModern.az-a Gəncə Şəhər İcra Hakimiyyətinin İctimai-siyasi və humanitar məsələlər şöbəsi müdirinin müavini Həsən Məmmədov məlumat verib.

H.Məmmədov deyib ki, köçürülənlər hadisə baş verən binadakı 36 mənzilin sakinləridir:

"Onlar dünəndən etibarən müvəqqəti olaraq internat tipli gimnaziyanın yataqxanasına yerləşdiriliblər. İcra başçısının da bildirdiyi kimi, bir neçə gün sonra onların kirayəyə çıxarılması məsləsinə baxılacaq”.

Fövqəladə Hallar Nazirliyinin yaydığı məlumata görə, 3 girişdən ibarət binanın 1-ci girişindəki mənzillər dağılıb. İlkin ehtimala görə, partlayış qaz sızması nəticəsində baş verib.